Ağdərədə yanğınsöndürmə avtomobili qəza edib, ölən və xəsarət alanlar var - Yenilənib
Bu barədə Poliqon-a Fövqəladə Hallar Nazirliyindən bildirilib.
Yol-nəqliyyat hadisəsi nəticəsində avtomobildə olan yanğınsöndürən - 1983-cü il təvəllüdlü Allahverdiyev Elsevər Qəşəm oğlu həyatını itirib, 4 nəfər yanğınsöndürən isə müxtəlif dərəcəli bədən xəsarətləri alıb.
Xəsarət alan yanğınsöndürənlər müvafiq tibbi yardımın göstərilməsi məqsədilə təcili olaraq Nazirliyin Aviasiya dəstəsinin helikopteri ilə həkimlərin müşayiəti altında Bakı şəhərində yerləşən ixtisaslaşmış tibb müəssisəsinə təxliyə olunublar.
***
Ağdərədə ölümlə nəticələn yol qəzası olub.
Ağdərə rayon ərazisində ölümlə nəticələnən yol-nəqliyyat hadisəsi olub.
"Report"un Qarabağ Bürosunun əldə etdiyi məlumata görə, qəza zamanı bir nəfər - 1983-cü il təvəllüdlü, Gədəbəy rayon sakini Allahverdiyev Elsevər Qəşəm odlu dünyasını dəyişib.
Hazırda qəzanın tam təfərrüatları araşdırılır.
Poliqon.info