ABŞ-da varlı insanlar dəbdəbəli bomba sığınacaqları alırlar
Texas ştatının Dallas şəhərində yerləşən “qiyamət günü” bunker şirkəti son vaxtlar müştərilərin çoxaldığını bildirib.
Poliqon xəbər verir ki, şirkətin sahibi Ron Habbard bu barədə “Fox News Digital” platformasına danışıb. Habbard qeyd edib ki, bir çox amerikalılar bugünkü sosial iğtişaşlardan narahatdırlar.
“Atlas Survival Shelters”in sahibi Ron Habbard müsahibəsində amerikalıların təxminən yarısının ABŞ-da vətəndaş müharibəsi ola biləcəyinə inandığını söyləyib.
“Atlas Survival Shelters” insanları pandemiya epidemiyasından, vətəndaş iğtişaşları, zərərli kütlənin hücumlarından və yerli terrorçuların və ya digər ölkələrin bioloji hücum və nüvə partlayışından və ya elektromaqnit impuls hücumlarından qorumaq üçün istifadə olunan müxtəlif növ sığınacaqlar hazırlayır.
Qeyd edilir ki, may ayında keçirilən sorğuya görə, amerikalıların 13 faizi vətəndaş müharibəsinin baş verəcyindən qorxur. Digər 34 faizi isə bu ehtimalı inkar etmir.
“İndi bizim biznes inkişaf edir. Biz bir milyon dollardan 20.000 dollara qədər bunkerlər düzəldirik. Bəzi bunkerlərimizin dəyəri hətta bir milyondan artıqdır”, deyə Habbard bildirib.
Poliqon.info