Qazaxıstanla Belarus arasında narazılıq - Səfir XİN-ə çağırılıb
Poliqon xəbər verir ki, nazir bu barədə Belarus prezidenti Aleksandr Lukaşenkonun çıxışından sonra Xarici İşlər Nazirliyinə dəvət olunan səfir Pavel Utyupin ilə görüşdə bildirib.
Qazaxıstan Xarici İşlər Nazirliyi Telegram-dakı mesajında Belarus səfirinin hansı səbəbdən dəvət edildiyini açıqlamayıb. Nazirlikdən bildirilib ki, tərəflər ikitərəfli səviyyədə və çoxtərəfli təşkilatlar çərçivəsində əməkdaşlığın aktual məsələlərini müzakirə ediblər.
"Xüsusən, nazir vurğulayıb ki, Qazaxıstan BMT Nizamnaməsinə və beynəlxalq hüququn fundamental normalarına uyğun olaraq balanslaşdırılmış və sülhpərvər xarici siyasət yürüdür. Ölkəmiz qəti şəkildə əmindir ki, dövlətlər arasında bütün fikir ayrılıqları siyasi və diplomatik yollarla həll edilməlidir", deyə XİN-in bəyanatında bildirilir.
Nazir hesab edir ki, prezident Kasım-Jomart Tokayev tərəfindən hazırlanmış kurs mövcud geosiyasi şəraitdə öz effektivliyini sübut edib.
Aleksandr Lukaşenko daha əvvəl bəyan etmişdi ki, bəzi postsovet dövlətləri Rusiyadan nəsə almaq istəyirlər, amma əvəzində heç nə vermirlər. O, 2022-ci ilin əvvəlində KTMT sülhməramlı qüvvələrinin Qazaxıstana göndərildiyi hadisələri xatırladıb. Lukaşenko qeyd edib ki, məqsədi töhmət vermək deyil və borcu qaytarmağı tələb etmir. Onun fikrincə, bu postsovet ölkələrinin köməyə ehtiyacı olanda heç kim ona cavab verməyəcək.
Poliqon.info