WSJ: Minlərlə rus əsgəri Kurskda mühasirəyə düşmək təhlükəsi altındadır...
Poliqon xəbər verir ki, bu barədə The Wall Street Journal qəzeti yazıb.
Rusiya qoşunlarının Seym çayı ilə Ukrayna sərhədi arasında mühasirəyə alınmasının qarşısını almağa çalışarkən, Ukrayna tərəfi ponton keçidlərinə və körpüqayırma avadanlığına zərbələr endirmək üçün ABŞ tərəfindən təchiz edilmiş HIMARS raket sistemləri və partlayıcı maddələr olan dronlardan istifadə edibr Qəzet bu barədə Ukrayna hərbçilərinə isnadən yazır.
WSJ Seym çayı ərazisindəki rus hərbçilərinin təchizatı xətlərinin kəsildiyini qeyd edib.
"İndi biz onların üç körpüsünü partlatdıq, təchizatın onlar üçün bağlanması an məsələsidir", deyə "Xorvat" çağırış nişanı olan Ukrayna Silahlı Qüvvələrinin 14-cü alayının kəşfiyyat bölməsinin komandiri bildirib.
Jurnalistlər əlavə ediblər ki, ruslar Seymi keçmək üçün ponton körpüləri yığır və Ukrayna qırıcıları onları artilleriya ilə darmadağın edir. Qərbdən gətirilən M777 artilleriya qurğularından istifadə edən 44-cü Ukrayna Artilleriya Briqadasının əsgəri Andreyin sözlərinə görə, rusların çaylardan keçməsi çox vaxt təşviş içində olur və bu zaman Ukrayna tərəfi onlara atəş açır: "Ruslar tələsik bacardıqları hər kəsi daşıyırlar".
Qeyd edək ki, avqustun əvvəlində Ukrayna Silahlı Qüvvələri Rusiyanın Kursk vilayətində hücum əməliyyatına başlayıb və 90-dan çox yaşayış məntəqəsini ələ keçirib, həmçinin hərbi komanda məntəqəsi yaradıb.
Forbes nəşrininn məlumatına görə, Kurskda Ukraynanın müdafiəçiləri sərhədlə Seym çayı arasında yerləşən, demək olar ki, 300 kvadrat mil (1 mil 1,6 kilometrdən çoxdur) olan ərazini təcrid etməyə çalışırlar. Bu ərazilərdə üç körpü məhv edilib.
Poliqon.info