Borrell Kurskdan danışıb: Aİ Ukraynanın mübarizəsini dəstəkləyir
Poliqon xəbər verir ki, bunu Avropa Komissiyasının vitse-prezidenti, Avropa İttifaqının xarici siyasət və təhlükəsizlik siyasəti üzrə ali nümayəndəsi Cozep Borrell X şəbəkəsində yazıb.
Xüsusilə, Aİ-nin ali nümayəndəsi Ukraynanın xarici işlər naziri Dmitri Kuleba ilə cəbhədəki son hadisələri və Rusiya Federasiyasının Kursk vilayətində əks-hücum əməliyyatını müzakirə edib.
"Mən Avropa İttifaqının Ukrayna xalqının mübarizəsinə tam dəstəyini təsdiqlədim. Putin öz əsassız işğalına qarşı Ukrayna müqavimətini qıra bilmədi və indi o, Rusiya ərazisinin dərinliklərinə çəkilməyə məcburdur", deyə Borrel vurğulayıb.
Dmitri Kuleba da öz növbəsində Borrell ilə söhbət zamanı əsas diqqəti Ukrayna ilə Avropa İttifaqı arasında silah istehsalı və təchizatı sahəsində əməkdaşlığın genişləndirilməsinə yönəlmiş addımlara yönəldib.
"Mən Cozep Borrelə Ukraynanın Kursk vilayətində keçirdiyi əməliyyatın təfərrüatları barədə də məlumat verdim", deyə Kuleba qeyd edib.
Qeyd edək ki, Financial Times-ın yazdığına görə, Ukrayna Rusiya torpaqlarını ələ keçirməklə ABŞ-ın ehtimal olunan prezidenti Donald Trampla bazarlığa hazırlaşır. Yəqin ki, ələ keçirilən Rusiya əraziləri gələcək danışıqlarda "alver predimenti"nə çevriləcək.
Ukrayna Silahlı Qüvvələrinin baş komandanı Aleksandr Sırski bildirib ki, Kurskda 74 yaşayış məntəqəsi artıq Ukraynanın nəzarəti altındadır.
Poliqon.info