Belqorodun Ukrayna ilə həmsərhəd rayonu boşaldılır
Poliqon xəbər verir ki, bu barədə Azadlıq Radiosu Qladkovun Telegram kanalındakı videomüraciətinə istinadən məlumat yayıb.
"Narahat bir səhərimiz var. Krasnoyaruz rayonunun sərhəddində düşmən fəallığı var. Əhalinin həyat və sağlamlığını təmin etmək üçün biz Krasnoyaruz rayonunda yaşayan insanların təhlükəsiz yerlərə köçürülməsinə başlayırıq", deyə Qladkov bildirib.
O, həmçinin əlavə edib ki, artıq bu əraziyə nəqliyyat göndərilib. O, neçə nəfərin təxliyyə ediləcəyini və hara aparılacağını dəqiqləşdirməyib.
Rusiyalı hərbi blogerlər bazar günü Krasnoyaruz vilayətinin sərhədyanı Kolotılivka kəndinə hücum barədə məlumat yayıblar. Üç gün əvvəl Qladkov artıq kənd sakinlərini getməyə çağırmışdı.
Belqorod vilayətinin Krasnoyaruz rayonu, avqustun 6-da sıçrayışın baş verdiyi qonşu Kursk vilayətinin Suca şəhərindən təxminən 45 kilometr aralıdadır. Qərb tərəfdən Ukrayna sərhədinə, şimal tərəfdən isə Kursk vilayətinin Bielovski rayonuna bitişikdir.
Bazar ertəsi səhər Bielovski rayonunun hakimiyyət orqanları vəziyyətin çox gərgin olaraq qaldığını və əhalinin könüllü evakuasiyasının davam etdiyini bildirib. Rayon rəhbəri Nikolay Volobuyev müstəqil şəkildə Dovqi Budi kəndindəki toplaşma məntəqələrinə və ya Kursk vilayətinin Oboyan rayonunun Buşmeno kəndinə gəlmək imkanı olan hər kəsi çağırıb. Orada evakuasiya avtobusları gözləməlidir.
Avqustun 9-dan Ukrayna ilə həmsərhəd Belqorod, Bryansk və Kursk vilayətlərində antiterror əməliyyatı rejimi tətbiq edilib. Eyni zamanda, avqustun 6-da baş vermiş sıçrayışdan sonra Kursk vilayətində federal fövqəladə vəziyyət qüvvədədir.
Avqustun 6-da Rusiyanın Telegram kanalları müharibəyönlü nəşrlərə istinadən sərhəd döyüşləri haqqında yazmağa başlayıb. O da qeyd olunub ki, ukraynalı hərbçilər Kursk vilayəti ərazisinə daxil olublar. Ukrayna ordusu bu məsələ ilə bağlı rəsmi açıqlama verməyib.
ABŞ əməliyyatın məqsəd və strategiyasını anlamaq üçün Kursk bölgəsində baş verənlərlə bağlı Ukrayna tərəfi ilə əlaqə saxladığını bildirib. Çin Kursk bölgəsindəki vəziyyətə reaksiya verib və bütün tərəfləri münaqişənin gərginliyini azaltmağa çağırıb.
Poliqon.info