Çin PUA əleyhinə avadanlıqların istehsalını artırır
Poliqon xəbər verir ki, bu barədə The South China Morning Post qəzeti yazıb.
Çin Müdafiə Nazirliyi onların effektivliyinə Rusiya-Ukrayna münaqişəsi zamanı istifadəsini müşahidə etdikdən sonra əmin olub. Anti-UAV texnologiyaları üzrə ixtisaslaşmış özəl istehsalçılardan birinin əməkdaşı bazarın inkişaf etdiyini bildirib.
South China Morning Post qeyd edir ki, son bir neçə ay ərzində Çin ordusu mütəmadi olaraq PUA əleyhinə imkanlardan istifadəni əhatə edən təlimlər keçirib. Çin Xalq Azadlıq Ordusunun nümayəndələri də bu mövzuda məqalələr dərc ediblər.
Onlardan biri bildirib ki, digər ölkələrin hərbçiləri müntəzəm olaraq PUA-lar üçün aşkarlama sistemləri və elektron tıxanma sistemlərindən istifadə edirlər və çox vaxt yaxşı nəticələr əldə edirlər.
Çinin PUA əleyhinə məhsullar istehsal edən "Jindowin" şirkətinin adı açıqlanmayan əməkdaşı bildirib ki, 2022-ci ildə Ukraynada hərbi əməliyyatların başlanması Çin istehsalçıları üçün dönüş nöqtəsi olub. Onun sözlərinə görə, şirkətin məhsullarının əksəriyyəti daxili təhlükəsizlik üçün istifadə olunur.
Poliqon.info