ÜST COVID-19-un qorxulu qayıdışından narahatdır
Poliqon xəbər verir ki, bu barədə Ümumdünya Səhiyyə Təşkilatının texniki məsləhətçisi Mariya Van Kerhove məlumat verib.
“Sistemimizdən əldə edilən məlumatlar göstərir ki, SARS-CoV-2 üçün müsbət testlərin faizi bir neçə həftədir ki, artmaqdadır”, deyə Kerhove bildirib.
ÜST rəsmisi əlavə edib ki, 84 ölkədə yoluxmalarda artım müşahidə olunub. Həmçinin COVID-19-un yay dalğası Parisdə 40 olimpiya idmançısının yoluxmasına səbəb olub. Kerhove bunu “COVID-19-un həyəcan verici qayıdışı” adlandırdı.
Amerikalı ekspert Erik Topol isə bildirib ki, tezliklə “KP.3.1.1” virusunun yeni ştammı yarana və ABŞ-da xəstəliyin dominant formasına çevrilə bilər.
Kerhove, daha da şiddətli olacaq yeni bir COVID-19 ştamının ortaya çıxması ilə bağlı narahatedici qorxuları təsdiqləyib.
Poliqon.info