Laçında itkin düşərək həlak olan hərbçi Firdovsi Abdullayev Gəncədə dəfn edilib - Yenilənib
“Report”un Qərb bürosu xəbər verir ki, hərbçinin nəşi Gəncə şəhəri Şəhidlər xiyabanında dəfn olunub.
Dəfn mərasimində F.Abdullayevin doğmaları, rəsmi şəxslər, hərbçilər, hüquq-mühafizə orqanlarının əməkdaşları və ictimaiyyət nümayəndələri iştirak edib.
***
"Report"un Qərb bürosunun məlumatına görə də, hazırda həlak olan hərbçi ilə vida mərasimi keçirilir.
Qeyd edək ki, Firdovsi Mais oğlu Abdullayev 2003-cü il fevralın 9-da Goranboy rayonunda anadan olub. F.Abdullayev və onun əsgər yoldaşı, 2003-cü il təvəllüdlü Fərid Əjdər oğlu Məmmədov 2022-ci il martın 3-də Laçın rayonunda yüksək dağlıq və çətin relyefli ərazidə hava şəraitinin qəfil dəyişməsi və çovğun səbəbindən istiqaməti itirərək itkin düşüb. Onların meyitlərinin qalıqları 2024-cü il iyulun 3-də Kəlbəcər rayonu, İstisu qəsəbəsindəki Yüzbulaq yaylağının ərazisində tapılıb.
F.Abdullayev Gəncə şəhəri Şəhidlər xiyabanında dəfn olunacaq.
##galery##
Poliqon.info