Times: Budanov uzun müddət Afrikadakı "Vaqner"ə hücum hazırlayıb..
Poliqon xəbər verir ki, bu barədə The Times qəzeti ABŞ Milli Təhlükəsizlik Agentliyinin sızdırdığı iddia edilən sənədlərə istinadən məlumat yayıb.
"Kəşfiyyat agentliyinin rəhbəri, ABŞ Milli Təhlükəsizlik Agentliyinin sızdırılmış sənədlərinə əsasən, keçən ildən Malidəki "Vaqner" qrupuna hücum planlaşdırırmış", deyə məqalədə qeyd edilir.
İyulun 28-də Malinin şimalında Tuareq üsyançıları "Vaqner"lə birgə əməliyyat zamanı Malili döyüşçülərə hücum edib və çox sayda "vaqnerçi" öldürülüb. Ukrayna Baş Kəşfiyyat İdarəsi Malidə "Vaqner" döyüşçülərinin məhv edilməsində iştirak etdiyini açıqlayıb. Departament nümayəndəsi Andrey Yusovun sözlərinə görə, yuareqlər Kiyevdən "vaqnerçilər"ə qarşı əməliyyat keçirmək üçün lazımi məlumat alıblar.
Avqustun 5-də Mali hakimiyyəti Ukrayna ilə diplomatik münasibətləri kəsmək qərarına gəlib. Mali hakimiyyəti hesab edir ki, Ukrayna kəşfiyyatı hökumət qoşunları və "Vaqner"ə hücum edən üsyançılara dəstək verib.
Mali hesab edir ki, birinci Ukraynanın hücumda iştirakını etiraf edib, ikincisi isə açıq şəkildə beynəlxalq terrorizmi dəstəkləyib. Press-relizdə qeyd olunur ki, Ukrayna hakimiyyəti bu bəyanatları pisləməyib və ya təkzib etməyib:
"Ukrayna hakimiyyətinin hərəkətləri Malinin suverenliyini pozur, xarici müdaxilə çərçivəsindən kənara çıxır ki, bu da özlüyündə qınaq obyektidir və Maliyə qarşı açıq təcavüz və beynəlxalq terrorizmə dəstəkdir".
Poliqon.info