Paris-2024: Azərbaycan cüdoçusu mükafatlandırılıb, Dövlət Himni səsləndirilib - Yenilənib
"Report"un yarışa ezam olunmuş əməkdaşı xəbər verir ki, 100 kq çəki dərəcəsində yer alan idmançıya qızıl medal təqdim olunub.
Daha sonra Azərbaycanın Dövlət Himni səsləndirilib.
Qeyd edək ki, finalda Zelimə məğlub olan gürcüstanlı İlya Sulamanidze gümüş medala sahib çıxıb.
Qeyd edək ki, Paris-2024 avqustun 11-də başa çatacaq.
***
Azərbaycan cüdoçusu Zelim Kotsoyev Fransanın paytaxtı Parisdə keçirilən Yay Olimpiya Oyunlarının qalibi olub.
"Report"un turnirə ezam olunmuş əməkdaşının məlumatına görə, 100 kq çəki dərəcəsində yer alan dünya çempionu final mərhələsində gürcüstanlı İlya Sulamanidze ilə üz-üzə gəlib.
Rəqibinə qalib gələn Kotsoyev olimpiya çempionu olub.
Qeyd edək ki, Paris-2024 avqustun 11-də başa çatacaq. Daha əvvəl cüdoçu Hidayət Heydərov (73 kq) olimpiadanın qızıl medalına sahib çıxıb.
***
Azərbaycan Fransanın paytaxtı Parisdə keçirilən Yay Olimpiya Oyunlarında ikinci medalı təmin edib.
"Report" xəbər verir ki, bu, cüdoçu Zelim Kotsoyevin (100kq) finala yüksəlməsi sayəsində mümkün olub.
Dünya çempionu yarımfinalda Muzaffarbek Turoboyevlə (Özbəkistan) qalib gəlib.
Həmin mükafatın (gümüş və ya qızıl) əyarı isə qarşıdakı dəqiqələrdə müəyyənləşəcək.
Qeyd edək ki, daha əvvəl cüdoçu Hidayət Heydərov (73 kq) Azərbaycanın aktivinə 1 qızıl medal yazdırıb.
Poliqon.info