Qərblə Rusiya arasında böyük məhbus mübadiləsi gözlənilir...
Poliqon xəbər verir ki, bu barədə Fox News telekanalının aparıcısı Treys Hallaher bildirib. Jurnalist iddia edib ki, Rusiyada casusluq ittihamı ilə mühakimə olunan The Wall Street Journal qəzetinin jurnalisti Evan Qerşkoviç mübadilə çərçivəsində azad olunaraq ABŞ-a qaytarıla bilər. Teleaparıcının sözlərinə görə, bu barədə məlumatı telekanalın ABŞ-ın milli təhlükəsizlik məsələlərini işıqlandıran müxbiri Cennifer Qriffindən alıb.
Fox News müxbirinin verdiyi məlumata görə, Rusiyada 16 il cəza koloniyasında cəza çəkən Evan Gerşkoviç 24 saat ərzində ABŞ-a gələcək. Telekanalın aparıcısı başqa təfərrüatları açıqlamayıb.
Bir gün əvvəl, iyulun 31-də Sloveniyanın N1 telekanalı Rusiya, ABŞ, Almaniya və Belarus arasında böyük məhbus mübadiləsinin hazırlandığı barədə məlumat yayıb. Kanalın məlumatına görə, Evan Gerşkoviç də mübadilə olunanlar olacaq.
Həmçinin hazırda Rusiya həbsxanalarında olan bir çox müxalif siyasətçilərin də Putin tərəfindən əfv olunaraq Qərb ölkələrinə göndəriləcəkləri bildirilir.
Xatırladaq ki, Evan Gerşkoviç 2023-cü il martın 30-dan Rusiyada həbsdədir. 2024-cü il iyulun 19-da Sverdlovsk vilayət məhkəməsi onu casusluqda təqsirli bilib və 16 il müddətinə azadlıqdan məhrum edib.
Poliqon.info