Makron İranın yeni liderinə Rusiya ilə bağlı xəbərdarlıq edib...
Poliqon xəbər verir ki, bu barədə Reuters Agentliyi Yelisey sarayının bəyanatına istinadən yazır.
Telefon danışığı zamanı Fransa lideri qeyd edib ki, Tehran sabitliyi pozan oyunçulara dəstəyi dayandırmaqla Livan-İsrail münasibətlərində gərginliyin artmasının qarşısını almaqda rol oynamalıdır.
Fransa prezidenti həmkarını İranın nüvə proqramının həyəcanverici eskalasiyasını dayandırmağa və beynəlxalq təşkilatların tələblərinə əməl etməyə çağırıb. O, həmçinin qeyd edib ki, üç fransalı girovun azad edilməsi ölkələr arasında münasibətləri yaxşılaşdıracaq.
Xatırladaq ki, Tehran və Moskva müdafiə sektorunda əməkdaşlıq edir. Xüsusilə, genişmiqyaslı müharibənin başlanğıcında Rusiya Ukraynaya qarşı İranın "Şahed" pilotsuz təyyarələrindən istifadə etməyə başlayıb. Kütləvi informasiya vasitələri də Rusiya Federasiyasına ballistik raketlərin göndərilməsi planlarından xəbər verirlər.
Bu ilin mayında İran prezidenti İbrahim Rəisi təyyarə qəzasında dünyasını dəyişib. Yeni prezident Məsud Pezeşkian bildirib ki, Rusiya ölkənin tərəfdaşı olaraq qalacaq, lakin o, Rusiya və Ukrayna xalqları üçün sülh axtarır.
Poliqon.info