İsraildə etirazçılar hərbi bazalara hücum ediblər...
İsraildə etirazçılar fələstinli məhbusla pis rəftar etməkdə şübhəli bilinən əsgərlərin həbsinə görə “Sde Teyman” və “Beyt Lid” hərbi bazalarına basqın ediblər.
Poliqon xəbər verir ki, bu barədə İsrailin “Times of Israel” nəşri məlumat yayıb.
Məlumatda qeyd olunur ki, kütləvi etiraz aksiyaları baş nazir Benyamin Netanyahunun koalisiyasının sağçı üzvləri tərəfindən təhrik edilib və “Likud” partiyasından olan Knessetin (parlament) bəzi üzvləri digər etirazçılarla birlikdə hərbi bazalara daxil olublar.
Baş nazir Netanyahu, həmçinin İsrail Silahlı Qüvvələrinin komandanı Hersi Halevi, müdafiə naziri Yoav Qallant və prezident İshaq Hersoq iğtişaşları tənqid edərək, baş verənləri qanunsuz anarxiya ilə sərhəd olan aksiya adlandırıb və israilliləri sakit olmağa çağırıblar. Halevi şəxsən “Beyt Lid” bazasına gəlib və orada vəziyyəti qiymətləndirib.
Etirazçılar dağıdılıb, həbslər və xəsarət alanlar barədə məlumat yoxdur.
Poliqon.info