ABŞ vətəndaşlarına Livanı tərk etmək tövsiyə edilib
Oxu.Az TASS-a istinadən xəbər verir ki, bu barədə ABŞ dövlət katibinin konsulluq məsələləri üzrə köməkçisi Rena Bitterin bəyanatında deyilir.
"Biz ABŞ vətəndaşlarına böhran başlamazdan əvvəl fövqəladə hallar planı hazırlamağı və Livanı tərk etməyi tövsiyə edirik" , - deyə Bitter bildirib.
Onun sözlərinə görə, əgər amerikalıların Livanı tərk etməsi mümkün deyilsə, onlar uzun müddətə sığınacaq tapmalıdırlar.
Xatırladaq ki, iyulun 27-də axşam saatlarında İsrail ordusu Livandan ölkənin şimalını növbəti dəfə kütləvi atəşə tutduğunu bildirib. Raketlərdən birinin Məcdəl Şəms kəndindəki futbol meydançasında partlaması nəticəsində 12 uşaq həlak olub, 40-a yaxın insan yaralanıb. İsrail hakimiyyəti insidentə görə Livan və "Hizbullah" hərəkatını günahlandıraraq, sərt cavab verəcəyini vəd edib.
Poliqon.info