“Sevimli Dad”ın “Közləmə” sosislərində də zərərli maddə var – Foto
Məlum olub ki, bu qida əlavəsi “Sevimli Dad”ın digər adla çıxan əksər sosis və kolbasalarında da mövcuddur.
“Közləmə” sosislərinin tərkibi barədə verilən məlumatda aydın olur ki, bu sosislərə zərərli E250 maddəsi vurulub. Belə ki, sözügedən sosislərin tərkibi mal əti, donuz əti, donuz piyi, nişasta, zülal stabilizatoru, natrium nitrit (E250), duz, ədviyyatlardan ibarətdir. E250 toksiki maddə olub nəfəs daralması, başgicəllənməsi və başağrısı kimi narahatlıqlara rəvac verə bilən potensial kanserogen maddədir.
Bu maddə sinir sisteminə ziyan vurması ilə xarakterizə olunan ağır qida intoksikasiyasıdır. Avropa Birliyi ölkələrində yalnız yeməli duz ilə qarışıqda, nitrit miqdarı təxminən 0.6% olan bir qarışıqda istifadəsinə icazə verilir. Ət məhsullarına vurulması isə qadağan edilib. Əhəmiyyətli miqdarda (bir neçə qram) alındıqda E250 ölümcül nəticəyə qədər ciddi zəhərlənməyə (Hemoqlobin əmələ gətirir) səbəb ola bilər.
E250 qida əlavəsi natrium-nitrit konservant olub, boya maddələri immun sisteminə pis təsir edir, bağırsağın təbii mikroflorasını pozur, insan orqanizminə kanserogen təsir göstərir.
Natrium nitrit NaNO2 (E250) kolbasa və sosislərin saxlanma müddətini artırmaq, qızardıcı rəng vermək məqsədi daşıyır. Bu maddə bir çox hallarda onkoloji xəstəliklərə yol açır, zəhərlənməyə, hətta ölümə gətirib çıxarır.
Kolbasa və sosis məhsullarında istifadə edilən natrium nitrit və ya nitrat insan sağlamlığı üçün təhlükəlidir. Və bu səbəbdən bəzi halal sertifikatlaşdırma həyata keçirən qurumlar tərkibində nitrit və ya nitrat istifadə edilən kolbasa və sosislərə sertifikat vermirlər.
Qarşı tərəfin mövqeyini işıqlandırmağa hazırıq.
Poliqon.info