Ermənistan və İran yarım milyard dollarlıq gizli silah müqaviləsi bağlayıb
Poliqon xəbər verir ki, Yaxın Şərqdə yüksək səviyyəli hərbi məmur olan məlumatlı mənbə “İran İnternational” portalına bildirib. Bu müqaviləyə əsasən Tehran İrəvana kamikadze pilotsuz təyyarələr verəcək.
Portal yazır ki, Tehran və İrəvan arasında son bir neçə ayda hər iki tərəfin imzaladığı silah tədarükü müqaviləsi bir neçə müqavilədən ibarətdir.
“İran İnternational” son razılaşma əsasında İrandan Ermənistana hansı hərbi texnikanın ixrac ediləcəyini göstərən eksklüziv siyahı əldə edib. Bunlara Shahed 136, Shahed 129, Shahed 197 və Mohajer kamikadze dronları aiddir.
Həmçinin, bu müqavilə əsasında İran Ermənistana “Xordad”, “Məcid” və “Arman” raketdən müdafiə sistemləri verəcək.
Nəşr qeyd edir ki, Ermənistanın İslam Respublikasına 500 milyon dolları necə ödəyə biləcəyi hələlik bəlli deyil, lakin bəzi analitiklər hesab edirlər ki, İrəvan bu vəzaiti kredi yoıu ilə Tehrana ödəyə bilər.
Nəşr qeyd edir ki, Ermənistanla müqavilə təkcə dronların və hava hücumundan müdafiə sistemlərinin göndərilməsi ilə məhdudlaşmır. Bu müqavilə həm də kəşfiyyat sahəsində əməkdaşlıq, sıx hərbi əlaqələr, təlim və Ermənistan ərazisində bazaların tikintisini əhatə edir.
Mənbə həmçinin bildirib ki, iki ölkə arasında təhlükəsizlik sahəsində əməkdaşlıq, o cümlədən silah sövdələşmələri son aylarda yüksək səviyyəli rəsmilərin və texniki qrupların İrana səfərləri zamanı müzakirə edilib.
Poliqon.info