ABŞ-ın Ermənistan MN-a təyin edəcəyi nümayəndə bu il fəaliyyətə başlayacaq
“ABŞ Ermənistan Müdafiə Nazirliyinə nümayəndə təyin etməklə Ermənistanın təhlükəsizliyinə dəstək verəcək”...
APA-nın Ermənistan mətbuatına istinadən xəbərinə görə, bu barədə ABŞ-ın bu ölkədəki səfirliyindən bildirilib.
Qeyd olunub ki, bu istiqamətdə əməkdaşlığın inkişafı ikitərəfli əlaqələrin möhkəmlənməsi baxımından da faydalı olacaq.
Səfirlik o cümlədən həmin nümayəndənin fəaliyyətinin ABŞ Dövlət Departamenti tərəfindən maliyyələşdiriləcəyini və onun bu il ərzində işə başlayacağını da bəyan edib.
Yayılan açıqlamada göstərilib ki, bu vəzifəni icra edəcək şəxsin adı artıq məlumdur.
Poliqon.info