Baydenin əsas donorlarından biri Harrisi dəstəkləməkdən imtina edib
Poliqon xəbər verir ki, o, qərarını Bayden yenidən seçilməkdən imtina etdikdən sonra elan edib.
Morqan ABC News-a deyib: "Kiməsə səs vermək bir şeydir, kiməsə milyonlarla dollar toplamaq başqa şeydir. Hər şeyin içində olmaq lazımdır", deyə donor bildirib.
O, əmindir ki, xanım Harrisin namizədliyi yalnız Respublikaçı Donald Trampın xeyirinə işləyəcək.
Mediada yayılan məlumatlara görə, 2020-ci ildə Con Morqan Co Baydenin kampaniyasının əsas sponsorlarından biri olub və onun kampaniyasına 355 min dollar bağışlayıb. 2016-cı ildə Trampa məğlub olan Hillari Klintonu dəstəkləyib.
81 yaşlı Co Bayden dünən, iyulun 21-də prezidentlik yarışından namizədliyini geri götürmək qərarını açıqlayıb. Donald Trampla debatdan və bir sıra digər ictimai çıxışlardan sonra bir çox demokratlar ona bu barədə müraciət ediblər. Bayden Demokrat Partiyasına Kamala Harrisin namizəd kimi irəli sürülməsini təklif edib. 2021-ci ildə o, ilk qaradərili qadın vitse-prezident olub. Onun kampaniyasına başlayandan bəri amerikalılar rekord məbləğdə 55 milyon dollar ianə ediblər.
Poliqon.info