FTB Trampa sui-qəsd cəhdinin motivini müəyyən edə bilmir
Poliqon xəbər verir ki, bu barədə Associated Press Agentliyi məlumat yayıb.
Qeyd olunur ki, Amerika kəşfiyyat orqanları təcavüzkarın telefonuna giriş əldə etdikdən, onun kompüterini, evini və avtomobilini yoxladıqdan və 100-dən çox insanla müsahibə apardıqdan sonra onun şənbə günü Trampın mitinqində niyə atəş açması sirriini müəyyənləşdirə bilməyib.
Hüquq-mühafizə orqanının rəsmisi Associated Press-ə anonimlik şərti ilə deyib ki, Kruksun telefonunda motiv və ya təkbaşına hərəkət edib-etməməsi ilə bağlı heç bir mənalı sübut yoxdur.
Donald Trampa sui-qəsd iyulun 13-də axşam saatlarında baş verib. Siyasətçiyə bir neçə dəfə atəş açılıb, bundan sonra o, qulağı qanlı halda səhnədən endirilib və xəstəxanaya yerləşdirilib. Müalicə aldıqdan sonra Tramp xəstəxanadan buraxılıb.
Atəş açan şəxs 20 yaşlı Pensilvaniya sakini Tomas Metyu Kruks olub və hadisə yerindəcə öldürülüb. New York Post mənbələrinin məlumatına görə, gənc Trampın danışdığı səhnənin təxminən 120 metrliyində istehsalat fabrikinin damından atəş açıb.
Poliqon.info