Demokratlar sammitdə çaşmasından sonra Baydenə qarşı çıxacaqlar...
ABŞ prezidenti Co Bayden Rusiya prezidenti Vladimir Putin və Respublikaçılar Partiyasının namizədi Donald Tramp haqqında açıqlamalarından sonra hiddətə səbəb olub.
Poliqon xəbər verir ki, The Telegraph nəşrinin redaktoru Toni Diverin fikrincə, bu rüsvayçılıq Demokratların seçki kampaniyasına ciddi ziyan vura bilər.
Qeyd edək ki, çərşənbə günü Vaşinqtonda keçirilən NATO sammitində Bayden iki qalmaqallı səhvə yol verib. O, Vladimir Zelenskini “prezident Putin” adlandırıb və mətbuat konfransında vitse-prezident Kamala Harrislə Donald Trampı səhv salıb.
“Onun yaxın müttəfiqlərinin adını çəkməklə bağlı ehtiyatsız səhv addımları Amerikanı az qala dünya səhnəsində lağ nöqtəsinə çevirib. Bugünkü hadisələr Demokrat partiyasına dəstəyin daha da aşınmasına zəmanət verir”, deyə Toni Diver yazır.
Jurnalistin fikrincə, NATO sammitində Baydenə olan maraq və hörmət onun səhvlərindən sonra dəhşət hissi ilə əvəzlənib. Fransa prezidenti və Almaniya kansleri jurnalistlər qarşısında Baydenin səhvlərini tez-tez düzəltməli olublar.
Toni Diver vurğulayıb ki, Bayden NATO sammitində özünü seçicilərə güclü və ciddi lider kimi nümayiş etdirmək fürsətini əldən verib.
“Əgər cənab Baydenin mövqeyi həftənin əvvəlində qeyri-müəyyən görünürdüsə, bu gün onun siyasi gələcəyinin bitdiyi görünür. Yaxın günlər onun üçün çətin olacaq”, deyə jurnalist fikrini yekunlaşdırıb.
Poliqon.info