NATO Moskva və Minsk arasındakı ittifaqı alyansa qarşı təhlükə hesab edib
Moskva ilə Minsk arasında siyasi və hərbi əməkdaşlığın dərinləşməsi Şimali Atlantika Alyansının təhlükəsizliyinə təhdiddir.
Poliqon xəbər verir ki, bu barədə NATO-nun Vaşinqtonda keçirilən sammitində qəbul edilmiş yekun bəyannaməsində deyilir.
Sənəddə iddia olunur ki, Rusiya və Belarus arasında siyasi və hərbi inteqrasiyanın inkişafı, o cümlədən Rusiyanın qabaqcıl hərbi potensialının və şəxsi heyətinin Belarus ərazisində yerləşdirilməsi regional sabitlik və NATO-nun müdafiəsi üçün mənfi nəticələrə gətirib çıxarır. Bundan başqa, Belarus öz ərazisini və infrastrukturunu təmin etməklə, Ukrayna münaqişəsində Rusiyaya yardım edir.
Yekun bəyannamədə NATO Rusiyanı alyansın təhlükəsizliyinə ən əhəmiyyətli"təhdid elan edilib. Qeyd edilib ki, Rusiyanın NATO üçün yaratdığı təhdid uzunmüddətli perspektivdə də davam edəcək.
Qeyd edək ki, iyulun 9-11-də Vaşinqtonda NATO-ya üzv ölkələrin toplantısı keçirilib. “Ukrayna və Transatlantik Təhlükəsizlik” mövzusunda üç günlük tədbir alyansın yaranmasının 75-ci ildönümünə həsr olunub. Zirvə toplantısında bloka üzv olan 32 ölkənin, o cümlədən bir müddət əvvəl alyansa qoşulmuş İsveç və Finlandiyanın liderləri iştirak ediblər.
Poliqon.info