Bayden: Yeni raket zərbələri Rusiyanın dəhşətli qəddarlığından xəbər verir...
Poliqon “Amerikanın səsi” radiostansiyasına istinadən xəbər verir ki, ABŞ prezidenti Rusiyanın bu hücumlarını qəddarlığın nümunəsi kimi təqdim edib.
“Rusiyanın bu gün onlarla dinc sakinin ölümünə səbəb olan və Kiyevin ən böyük uşaq xəstəxanasında tələfat və dağıntılara səbəb olan raket zərbələri Rusiyanın qəddarlığının dəhşətli ifadəsidir”, deyə Baydenin bəyanatında bildirilir.
Bayden öz bəyanatında əlavə edib ki, Vaşinqton və onun NATO müttəfiqləri bu həftə Ukraynanın hava hücumundan müdafiəsini gücləndirmək üçün yeni tədbirlər elan edəcəklər.
“Dünyanın bu mühüm məqamda Ukraynanı dəstəkləməkdə davam etməlidir. Rusiyanın təcavüzünə məhəl qoymamağımız böhranı daha da böyüdəcək”, deyə ABŞ prezidenti bildirib.
Qeyd edək ki, bazar ertəsi günortadan sonra Rusiya Kiyevdəki uşaq xəstəxanasına raket zərbəsi endirib. Həmçinin Ukraynanın digər şəhərləri də raket zərbələrinə məruz qalıb.
Son ayların ən ölümcül hava hücumu dalğası ən azı 41 mülki şəxsin ölümünə səbəb olub. Kiyevdəki uşaq xəstəxanasında da dağıntıların altından uşaqların cəsədi çıxarlıb.
Bununla bağlı Rusiya Müdafiə Nazirliyi Ukraynadakı hərbi-sənaye kompleksi obyektlərinə və hava bazalarına hücumlar təşkil etdiyini bildirib.
Poliqon.info