Zelenski: Putinin növbəti Sülh Sammitinə dəvət edilə bilər
Poliqon xəbər verir ki, o, bu barədə iyulun 3-də axşam saatlarında yayımlanan Bloomberg-ə müsahibəsində bildirib.
Zelenski deyib ki, əgər Rusiya və Ukrayna danışıqlar masası arxasına əyləşmək üçün bir yol tapa bilsələr, bu baş verəcək. Eyni zamanda, Ukrayna lideri Putinin şəxsən və yaxın gələcəkdə bu danışıqlarda iştirakını gözləmir, çünki "Rusiya prezidenti bu görüşə gəlməkdən çox qorxur".
Zelenski bildirib ki, ABŞ və Çin fikir ayrılıqlarını bir kənara qoyub birlikdə hərəkət etsələr, Ukraynada müharibəyə son qoya bilərlər. O, əmindir ki, Çin münaqişənin həllində böyük rol oynaya bilər, çünki Moskva onun ixrac bazarından çox asılıdır. Belə ki, Ukrayna prezidenti Finlandiya prezidenti Aleksandr Stubbın "Rusiya indi Çindən o qədər asılıdır" və "Çin sədri Si Szinpinin bir telefon zəngi Ukraynadakı böhranı həll edəcək" fikri ilə razılaşıb.
Qeyd edək ki, Ukrayna Prezident Aparatının məlumatına görə, birinci Sülh Sammitinin nəticələrinə əsasən, Kiyev BMT Baş Assambleyasının Ukraynada nüvə təhlükəsizliyinə dair iclasında baxılmaq üçün Zaporojye AES-nə xüsusi diqqət yetirməklə qətnamə layihəsi hazırlayır.
Ötən gün Zelenski BMT Baş Assambleyasının 78-ci sessiyasının sədri Dennis Françis ilə görüşüb. Ukrayna prezidenti BMT Baş Assambleyasının ölkənin ərazi bütövlüyü və suverenliyinə ardıcıl dəstəyini qeyd edib.
Poliqon.info