FHN: “Qurtuluş 93”dəki qanunsuz tikili sökülür
Fövqəladə Hallar Nazirliyindən (FHN) Yeniavaz.com-a verilən məlumatda qanunsuz tikintinin qurum tərəfindən nəzarətə götürüldüyü bildirilmişdi.
Məsələ ilə bağlı FHN-dən Yeniavaz.com-a növbəti açıqlama verilib və artıq qanunsuz tikintinin sökülməsinə başlanıldığı bildirilib.
“Qeyd olunan əraziyə FHN-in Tikintidə Təhlükəsizliyə Nəzarət Dövlət Agentliyinin mütəxəssisləri tərəfindən təkrar baxış keçirilib və qüvvədə olan müvafiq qanunvericiliyin tələblərinə uyğun olaraq qanunsuz tikilinin söküntüsünə başlanılıb”, - FHN-in məlumatında deyilir.
Xatırladaq ki, daha əvvəl Ekologiya və Təbii Sərvətlər Nazirliyindən də açıqlama verilmiş və sözügedən ərazidə bu ilin aprel ayında ağac kəsilməsi ilə bağlı araşdırma aparıldığı bildirilmişdi:“Təbiətə dəymiş ziyan cinayət tərkibi yaratdığından məsələyə hüquqi qiymət verilməsi məqsədilə toplanmış sənədlər Baş Prokurorluğa göndərilib”, - Nazirliyin məlumatında qeyd olunur.
Poliqon.info