Son dörd ayda Haitidə 300 mindən çox uşaq evlərini tərk edib
Poliqon xəbər verir ki, bu barədə Birləşmiş Millətlər Təşkilatının Uşaq Fondunun (UNICEF) məlumat verib.
Məlumatda qeyd olunur ki, son dörd ayda evlərini itirmiş 580 minə yaxın insanın yarıdan çoxunu uşaqlar təşkil edir. “Amerikanın Səsi” yazır ki, zorakılıqların artması fevralın sonunda hökumətin əsas infrastrukturuna bir sıra koordinasiyalı hücumlardan sonra başlayıb və nəticədə apreldə baş nazir Ariel Henrinin istefası ilə nəticələnib.
“Gözümüzün qabağında baş verən humanitar fəlakət uşaqlar üçün dağıdıcı nəticələrə malikdir. Köçkün uşaqların təhlükəsiz mühitə, eləcə də beynəlxalq ictimaiyyətin artan dəstəyinə və maliyyəsinə çox ehtiyacı var”, deyə UNICEF-in icraçı direktoru Ketrin Rassel deyib.
BMT-nin məlumatına görə, hazırda silahlı dəstələr paytaxt Port-o-Prinsin ən azı 80%-nə və şəhərə gedən əsas yollara nəzarət edirlər. 2024-cü ilin ilk üç ayında Haitidə silahlı qarşıdurmalar nəticəsində 2500-dən çox insan həlak olub və ya yaralanıb.
Poliqon.info