Demokrat Partiyası iyulun 21-də Baydenin namizədliyini təsdiq edəcək
Poliqon xəbər verir ki, bu barədə Bloomberg Agentliyi məlumat yayıb. Agentlik xəbər verir ki, Milli Komitə iyulun 21-dək cənab Baydenin namizədliyi üzrə səsverməyə icazə vermək üçün konvensiya qaydalarını dəyişib. Partiya qurultayının platforma komitəsi iyulun 16-da, qaydalar komitəsi iyulun 19-da, səlahiyyətlər komitəsi isə iyulun 21-də iclas keçirəcək. Bloomberg-in məlumatına görə, iclaslarda Baydenin namizədliyi üçün səsvermə prosedurları rəsmiləşdiriləcək.
Bloomberg qeyd edir ki, Milli Komitənin qərarı, uğursuz debatdan sonra Co Baydenin dəyişdirilməsi ilə bağlı partiyadaxili danışıqlara son qoyacaq.
Xatərladaq ki, iyunun 28-də Atlantada ölkənin keçmiş və indiki prezidentləri Donald Tramp və Co Bayden arasında ilk seçki debatı keçirilib. CNN-in keçirdiyi ekspress sorğuya əsasən, 67% Donald Trampın debatda qalib gəldiyini, 33% isə Co Baydenin qalib gəldiyini düşünür.
ABŞ-da prezident seçkiləri 2024-cü il noyabrın 5-nə təyin edilib.
Poliqon.info