Politoloq: Ermənistanın daxilində qarşıdurmanın olması mümkündür...

İddialara görə Ermənistanda hakimiyyət daxilində parçalanma başlayıb...

Siyasi-şərhçi: “Ermənistanın İsveçrədə keçirilən Ukrayna üzrə sülh sammitin yekun bəyannaməsini imzalamamısının bir neçə səbəbi var. Onlardan biri hazırda daxildə baş verən böhran, ehtimal olunan Rusiyanın əli ilə və keşiş Baqratın başçılığı ilə keçirilən etiraz aksiyalardır”.

“Ermənistan bu münaqişədə Ukraynanın ərazi bütövlüyünü dəstəkləsə də, yenə də Moskvanın qəbuledilməz qırmızı xəttlərinə riayət etməyə çalışır”.

Bu sözləri siyasi-şərhçi Kamran Məmmədli Ermənistan hakimiyyətində iddia edilən parçalanmanı Poliqon-a şərh edərkən qeyd edib.

Bəzi iddialara görə Ermənistanda hakimiyyət daxilində parçalanma başlayıb. Bildirilir ki, artıq iqtidardakı sorosçular arasında fikir ayrılığı yaranıb. Ziddiyyət İsveçrədə keçirilən Ukrayna Sülh Sammitindən sonra ortaya çıxıb. Bölünməyə əsas səbəblərdən biri kimi sorosçu qanadın təmsilçisi sayılan Təhlükəsizlik Şurasının katibi Armen Qriqoryanın sammitdə çıxışdan imtina etməsi və yekun sənədə imza atmaması göstərilir.

Paşinyanın komandasında taktiki fikir ayrılıqları daha da dərinləşə bilərmi?

Ermənistanın daxilində baş verən prosesləri Poliqon-un əməkdaşı siyasi-şərhçi Kamran Məmmədli ilə müzakirə edib.

Kamran Məmmədli: “Belə bir hadisə baş versəydi, bu açıq şəkildə Paşinyana qarşı cəbhənin açılması anlamına gələrdi ki, bunun da belə tez baş verəcəyi inandırıcı deyil”.

Ermənistanın İsveçrədə keçirilən Ukrayna üzrə sülh sammitin yekun bəyannaməsini imzalamamısının bir neçə səbəbi olduğunu vurğulayan Politoloq Poliqon-a bildirib ki, bunlardan biri də İrəvanın Moskvadan çıkinməsi olub:

“Ermənistanın İsveçrədə keçirilən Ukrayna üzrə sülh sammitin yekun bəyannaməsini imzalamamısının bir neçə səbəbi var. Onlardan biri hazırda daxildə baş verən böhran, ehtimal olunan Rusiyanın əli ilə və keşiş Baqratın başçılığı ilə keçirilən etiraz aksiyalardır.

Belə bir məqamda güman edilə bilər ki, Ermənistan hakimiyyəti Rusiyanı daha çox əsəbləşdirməmək üçün neytral qalmağı tərcih edib. Çünki İrəvan İsveçrədə keçirilən konfransın Ukrayna üzrə yekun sənədini imzalasaydı, bu, Ermənistan-Rusiya münasibətlərindəki gərginliyi daha da artıracaqdı. Ermənistan bu münaqişədə Ukraynanın ərazi bütövlüyünü dəstəkləsə də, yenə də Moskvanın qəbuledilməz qırmızı xəttlərinə riayət etməyə çalışır.

Ermənistanın daxilində qarşıdurmanın olması mümkündür. Lakin, bu cür beynəlxalq tədbirdə Paşinyan hakimiyyətinin nümayəndəsinin Paşinyandan xəbərsiz belə bir addım atmasını düşünmürəm. Həmçinin, belə bir hadisə baş versəydi, bu açıq şəkildə Paşinyana qarşı cəbhənin açılması anlamına gələrdi ki, bunun da belə tez baş verəcəyi inandırıcı deyil”.

Nərminə UMUDLU Poliqon.info