Rusiya MN: Ukraynanın enerji obyektlərinə zərbə endirilib
APA-nın Moskva müxbiri xəbər verir ki, bu barədə Rusiya Müdafiə Nazirliyi məlumat yayıb.
Bildirilib ki, Kiyev rejiminin Rusiyanın enerji obyektlərinə ziyan vurmaq cəhdlərinə cavab olaraq, Rusiya Federasiyası Silahlı Qüvvələri Ukrayna enerji obyektlərinə, Ukrayna Silahlı Qüvvələri üçün silah və hərbi texnika istehsalını təmin edən obyektlərə yüksək dəqiqlikli uzaqmənzilli havadan buraxılan silahlar, eləcə də pilotsuz uçuş aparatları ilə qrup şəklində zərbə endirib. Qeyd olunub ki, bütün təyin edilmiş hədəflər vurulub.
Rusiya MN Ukrayna tərəfinin müharibə başlayandan indiyə kimi verdiyi itkiləri də açıqlayıb.
"Ümumilikdə, xüsusi hərbi əməliyyat başlayandan bu günə kimi Ukrayna Silahlı Qüvvələrinin 613 təyyarəsi, 276 helikopter, 26 008 pilotsuz uçuş aparatı, 531 zenit-raket kompleksi, 16 385 tank və digər zirehli döyüş texnikası, 1346 çoxsaylı döyüş maşını və raket sistemləri, 10 665 səhra artilleriya qurğusu və minaatan, həmçinin 22 726 ədəd xüsusi təyinatlı hərbi texnikası məhv edilib", deyə Rusiya MN-nin yaydığı məlumatda qeyd olunub.
Poliqon.info