Macarıstan Ukrayna ilə bağlı mövqeyinə görə Buxarest doqquzluğundan çıxarıla bilər
Poliqon xəbər verir ki, bu barədə "Financial Times" mənbələrə istinadən yazır.
"NATO və Avropa İttifaqındakı Şərqi Avropa müttəfiqləri olan "Buxarest doqquzluğu"nun diplomatları Macarıstanın gələcək görüşlərdən kənarlaşdırılması imkanlarını müzakirə ediblər", deyə mətndə qeyd edilir.
FT-nin yazır ki, Macarıstan son görüşlərdə qrupun Ukraynaya yardımın artırılması zərurəti, habelə NATO-nun Kiyevə hərbi dəstəyin artırılmasına yönəlmiş istənilən addımlarını dəstəkləməsi ilə bağlı qənaətlərinə veto qoyub.
"Buxarest doqquzluğu"nun liderləri Riqada görüş keçirəcəklər. FT həmsöhbətlərinin sözlərinə görə, Budapeşt digər ölkələrin razılaşdığı bəyanat layihəsini təsdiqləməkdən imtina etmək niyyətindədir. Nəşrin mənbəsinin sözlərinə görə, Macarıstanın xaric edilməsi ilə bağlı müzakirələr çox ciddi”ə olacaq.
Həmsöhbət indiki tərkiblə görüşün sonuncu dəfə baş tutacağını istisna etməyib.
"Buxarest doqquzluğu" (B9) Mərkəzi və Şərqi Avropanın 9 ölkəsinin, yəni Bolqarıstan, Macarıstan, Latviya, Litva, Polşa, Rumıniya, Slovakiya, Çexiya və Estoniyanın birliyidir. Onu NATO-nun şərq cinahı da adlandırırlar. Assosiasiyanın məqsədi hərbi sahədə əməkdaşlığın dərinləşdirilməsidir.
Poliqon.info