Rusiyada ekstremizmdə təqsirli bilinən deputat mandatdan məhrum edilib
Poliqon xəbər verir ki, bu barədə "RİA Novosti" məlumat yayıb.
"Bilirsiniz ki, 2024-cü il mayın 28-də ittiham aktı qanuni qüvvəyə minib, bununla əlaqədar biz bütün rəsmiyyətlərə riayət etməliyik", deyə Tomsk dumasının sədr müavini Andrey Petrov bildirib.
Moskva hüquq-mühafizə orqanları Fadeyevanı 2021-ci ilin sonunda saxlayıb. O, ekstremist birlik təşkil etməkdə (Rusiya Cinayət Məcəlləsinin 282.1-ci maddəsinin 3-cü hissəsi) və vətəndaşların şəxsiyyətini və hüquqlarını pozan qeyri-kommersiya təşkilatının fəaliyyətində iştirak etməkdə (Cinayət Məcəlləsinin 239-cu maddəsinin 3-cü hissəsi) ittiham olunurdu.
İstintaqın versiyasına görə, deputat 2021-ci ilin yanvar və aprel aylarında Tomsk sakinlərini Aleksey Navalnıya dəstək üçün icazəsiz etiraz aksiyalarına çağırıb.
2023-cü il dekabrın 29-da Fadeyeva ümumi rejimli koloniyada doqquz il müddətinə azadlıqdan məhrum edilib. Qadının vəkili hökmdən apellyasiya şikayəti versə də, məhkəmə şikayəti təmin etməyib və mayın 28-də qanuni qüvvəyə minib.
Poliqon.info