Parlament seçkilərini uduzarsa, Makron istefa verə bilər...
Emmanuel Makron öz çevrəsi ilə parlament seçkilərində müxalifətin qalib gələcəyi təqdirdə Fransa prezidenti postundan istefa vermə imkanını müzakirə edir.
Poliqon xəbər verir ki, bu barədə “Europe 1” radiostansiyası Fransa liderinin yaxın adamlarından birinə istinadən məlumat yayıb.
“Prezidentin istefası tabu deyil. Bəli, bu gün biz bütün ssenariləri nəzərdən keçirməliyik. O, 5 illik səlahiyyət müddətinin qalan hissəsni qurban verməyə hazırdır”, deyə mənbə bildirib.
Eyni zamanda, “Europe 1” vurğulayıb ki, istefa Makronun üstünlük verdiyi variant deyil və qeyd edib ki, onun perspektivi qarşıdan gələn seçkiləri dramatikləşdirmək üçün bu kampaniyaya xidmət etməlidir.
Həmçinin qeyd olunur ki, prezident parlament seçkilərində qalib gələrsə, prezident seçkilərinı, yəni 2027-ci ilə qədər sağçı “Milli Birlik” partiyası ilə iqtidarda birgəyaşama yolu seçə bilər.
Qeyd edək ki, iyunun 9-da Makron ölkənin Milli Assambleyasının (parlamentin aşağı palatası) buraxıldığını, həmçinin növbədənkənar parlament seçkilərinin təyin olunduğunu bəyan edib. Seçkilərin birinci turu iyunun 30-na, ikinci turu isə iyulun 7-nə təyin edilib.
Fransa prezidenti bu qərarı tərəfdarlarının Avropa Parlamentinə seçkilərdə məğlub olması (14,6% səs) fonunda verib. Müxalif sağçı “Milli Birlik” partiyası isə seçkilərdə 31,4% səs toplayıb.
Poliqon.info