Fon der Leyen: Avropa Parlamentində çoxluq avropapərəst və Ukraynayönlü olacaq
Poliqon TASS Agentliyinə istinadən xəbər verir ki, Avropa Komissiyasının hazırkı rəhbəri fon der Leyen təmsil etdiyi Avropa Xalq Partiyasının əksər mandatları alacağı Avropa Parlamentinin yeni tərkibinin Ukraynanı dəstəkləyəcəyinə söz verib.
“Sabah biz yeni güclü əksəriyyət yaratmaq, həmfikir insanlar arasında körpülər yaratmaq üzərində işləməyə başlayacağıq. Biz sosialistlərə və liberallara müraciət edəcəyik, bu platforma son beş ildə yaxşı işləyirdi, indi də yaxşı işləyəcək. Avropa Parlamentində yeni çoxluq avropapərəst və ukraynayönlü olacaq”, deyə xanım fon der Leyen mətbuat konfransında bildirib.
Xatırladaq ki, Ursula fon der Leyen 2019-cu ildən Avropa Komissiyasının rəhbəri vəzifəsini icra edir. AK sədri beş ildən bir seçilir. Namizədlik Avropa Şurası vasitəsilə Aİ üzvləri tərəfindən irəli sürülür və Avropa Parlamenti tərəfindən təyin olunur.
Avropa Parlamentinə seçkilərdə ilkin məlumatlara görə, seçicilərin 51%-i iştirak edib. Son məlumatlata görə seçkilərin ilin nəticələri Avropa Xalq Partiyası qalib gəldiyini göstərir.
Qeyd edək ki, Fransada prezident Emmanuel Makron partiyasının Avropa Parlamenti seçkilərində məğlub olmasından sonra Milli Assambleyanı buraxıb.
Almaniyada kansler Olaf Şolzun partiyası ifrat sağçılara məğlub olaraq tarixin ən pis performansını göstərib.
Poliqon.info