Şimali Koreya Yapon dənizi istiqamətində 10 ballistik raket atıb
Poliqon xəbər verir mi, bu barədə Cənubi Koreyanın “Yonhar” Agentliyi məlumat yayıb. Agentlik əvvəlcə bir ballistik raketin buraxılması barədə məlumat verib. Cənubi Koreya Birləşmiş Qərargah Rəisləri Komitəsi daha sonra Şimali Koreyadan 10-a yaxın qısa mənzilli ballistik raketin buraxıldığını təsdiqləyib.
“Şimali Koreya sınaq buraxılışları bəhanəsi ilə ballistik raket təxribatları ilə məşğul olmaqda davam edir, lakin onların bu qədər çox sayda buraxılması qeyri-adidir. Hərbçilər raket modeli və uçuş məsafəsi də daxil olmaqla, təfərrüatlı xüsusiyyətləri təhlil edir”, deyə komitənin bəyanatında deyilir.
NHK telekanalının Yaponiya Sahil Mühafizəsinə istinadən verdiyi məlumata görə, raketlər Yaponiyanın müstəsna iqtisadi zonasından bir qədər kənarda dənizə düşüb.
Qeyd edək ki, mayın 27-də Şimali Koreya hərbi kəşfiyyat peyki daşıyan yeni tip daşıyıcı raketin uğursuz buraxılması barədə məlumat verib. Raket havada partlayıb. Mayın əvvəlində Şimali Koreya Yapon dınizinı doğru bir neçə qısa mənzilli ballistik raket buraxmışdı və onların hamısı Koreya yarımadası ilə Yaponiya arasında dənizə düşmüşdü.
Poliqon.info