Ağ Ev: Rusiyanın “Taliban”ı tanıması başqaları üçün pis siqnaldır
Poliqon xəbər verir ki, bunu Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi bildirib. Kirbinin sözlərinə görə, “Taliban”ın hakimiyyətinin Rusiya tərəfindən mümkün legitimləşdirilməsi başqaları üçün pis siqnal olacaq.
“Taliban hakimiyyətə gəldikdən sonra yerinə yetirəcəklərini vəd etdikləri heç bir öhdəliyi yerinə yetirməyib. Xüsusilə qadınların müalicəsi, iqtisadiyyat, səhiyyə ilə bağlı verdikləri vədlər vəd olaraq qalıb. Biz inanırıq ki, “Taliban”ın Rusiya tərəfindən tanınması başqalarına pis siqnal olacaq”, deyə Kirbi brifinqdə bildirib.
Dünən məlum oldu ki, Rusiya Xarici İşlər Nazirliyi və Ədliyyə Nazirliyi prezident Vladimir Putinə “Taliban”ın qadağan olunmuş terror təşkilatları siyahısından çıxarılması üçün müraciət ediblər. Rusiyanın xarici işlər naziri Sergey Lavrov izah edib ki, “Taliban” Əfqanıstanda real gücdür və Rusiya bu ölkəyə biganə deyil.
Xatərladaq ki, “Taliban” Rusiyada 2003-cü ilin martından Ali Məhkəmənin qərarı ilə terrorçu təşkilat kimi tanınıb. 15 avqust 2021-ci ildə hərəkat Əfqanıstanda hakimiyyəti ələ keçirib. 2022-ci ilin mart ayından etibarən Rusiya “Taliban” tərəfindən yaradılmış hökumətdən olan diplomatın akkreditasiyası ilə Əfqanıstanla diplomatik əlaqələr qurub.
Poliqon.info