“Qubadlı” əlahiddə sərhəd diviziyasında 2 yaşayış binası əsaslı təmirdən sonra istifadəyə verilib - Video
Poliqon xəbər verir ki, bu barədə Dövlət Sərhəd Xidmətinin Mətbuat Mərkəzi məlumat yayıb.
Dövlət Himninin səsləndirilməsi ilə başlayan tədbirdə Ulu Öndər Heydər Əliyevin və şəhidlərimizin əziz xatirəsi bir dəqiqəlik sükutla yad olunub. Bildirilib ki, Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin müvafiq tapşırığına əsasən Dövlət Sərhəd Xidmətinin bölmələrində ardıcıl olaraq müasir standartlara cavab verən sərhəd mühafizə və müdafiə infrastrukturunun yaradılması, inkişaf etdirilməsi, şəxsi heyətin xidmət və sosial-məişət şəraitinin təkmilləşdirilməsi sahəsində həyata keçirilən məqsədyönlü tədbirlər dövlətimizin ali rəhbərliyinin hərbi təhlükəsizlik məsələlərini daim diqqətdə saxladığının əyani sübutudur. Tədbirdə Dövlət Sərhəd Xidmətinin rəisi general-polkovnik Elçin Quliyevin təbriki şəxsi heyətə çatdırılıb, xidmətlərində uğurlar arzulanıb. Dövlət Sərhəd Xidməti rəisinin birinci müavini – Baş Qərargah rəisi general-leytenant Rəşad Sadıqov xidməti istifadəyə verilmiş yaşayış binalarında yaradılmış şəraitlə tanış olub, xidməti mənzillərə baxış keçirib və hərbi qulluqçuların ailə üzvləri ilə görüşüb. Tədbirin sonunda xatirə fotoşəkilləri çəkilib.
##galery##
Poliqon.info