Paris Yeni Kaledoniyadakı iğtişaşlarla mübarizə üçün əlavə qüvvələr göndərib
Fransa hökuməti Sakit okeandakı Yeni Kaledoniya adasına əlavə polis qüvvələri göndərib.
Poliqon xəbər verir ki, bu barədə Reuters Agentliyi məlumat yayıb. Agentlik yazır ki, Paris dörd nəfərin ölümü ilə nəticələnən üç gecə davam edən etirazlardan sonra iğtişaşçıların müqavimətini darmadağın etməyə və asayişi bərpa etməyə hazır olduğunu bəyan edib,
Qeyd edək ki, seçki islahatından narazı olan yerli xalq bir neçə gün dalbadal müəssisələrə hücum edib, avtomobilləri yandırıb, mağazaları qarət edib, yol barrikadaları qurublar. Yelisey Sarayı bununla Fransanın nəzarətində olan Sakit okean adasında dərman və qidaya çıxışla bağlı “dəhşətli vəziyyət” yaratdıqlarını bildirib.
Mayın 17-si cümə günü axşam saatlarında Yeni Kaledoniyada polis və jandarmların sayı 1700-dən 2700-ə yüksəldiləcək. Onlara hərbi qulluqçulardan ibarət kiçik kontingent kömək edəcək.
“Yeni Kaledoniyada vəziyyət çox gərgin olaraq qalır. Talanlar, iğtişaşlar, yanğınlar və hücumlar davam edir”, deyəFransanın baş naziri Qabriel Attal jurnalistlərə bildirib.
Qeyd edək ki, iğtişaşlar çərşənbə axşamı Parisdə qanunvericilər tərəfindən qəbul edilən yeni qanun layihəsinə görə başlayıb. Qanun 10 il Yeni Kaledoniyada yaşayan fransız sakinlərinə əyalət seçkilərində səs verməyə imkan verəcək. Bu addım yerli xalqın səsini azaldacaq.
Poliqon.info