Əksər amerikalılar TikTok-u Çin təsir aləti kimi görürlər
Əksər amerikalılar Çinin ABŞ-da ictimai rəyi formalaşdırmaq üçün TikTok-dan istifadə etdiyinə inanırlar.
Poliqon xəbər verir ki, bunu Reuters Agentliyinin sorğusu göstərir. Qeyd edək ki, sorğu bu platformanın ABŞ-da mümkün qadağaya yaxınlaşdığı bir vaxtda Reuters/Ipsos tərəfindən keçirilib.
İki günlük sorğuda respondentlərin təxminən 58%-i Pekinin Çinin “ByteDance” şirkətinə məxsus TikTok-dan istifadə etdiyi iddiası ilə razılaşıb.
Respublikaçılar demokratlardan daha çox inanırlar ki, Çin ABŞ-ın ictimai fikrinə təsir etmək üçün proqramdan istifadə edir. Amerikalıların 46%-i Çinin proqramdan "gündəlik Amerikaya casusluq etmək" üçün istifadə etməsi ilə bağlı iddilarla razılaşıb.
TikTok nümayəndələri şərh sorğusuna cavab verməyiblər. Reuters xatırladır ki, platforma ABŞ-da çox populyardır. Hətta Bayden kampaniyası bundan noyabrın 5-də keçiriləcək prezident seçkiləri ərəfəsində seçiciləri cəlb etmək üçün bir vasitə kimi istifadə edir.
Qeyd edək ki, Amerika səlahiyyətliləri 2024-cü ilin aprelində TikTok-u qadağan edən və ya satan qanun layihəsini təsdiqləyib.
Poliqon.info