Adam Kadırov Rusiya Xüsusi Təyinatlı Qüvvələri Universitetinin kuratoru təyin edilib
Poliqon xəbər verir ki, Çeçenistan Respublikasının rəhbərinin on altı yaşlı oğlu Adam Kadırovun Rusiya Xüsusi Təyinatlı Qüvvələri Universitetinin kuratoru təyin edildiyini Ramzan Kadırov rəsmi Telegram kanalında bildirib.
Çeçenistan başçısı bu barədə qərarı universitetdə keçirilən “Öz xalqımız” taktiki atıcılıq üzrə açıq yarışda olarkən açıqlayıb.
“Əziz qardaşım, RUS-un rəhbəri Baybetar Vayxanovun xahişi ilə mən Adam Kadırovu RUS-un kuratoru təyin etmək qərarına gəldim”, deyə çeçen lideri qeyd edib.
Ramzan Kadırovun sözlərinə görə, Adam Kadırov “məşhur universitetin fəaliyyəti” ilə yaxından tanışdır.
“Ona görə də inanıram ki, ona tapşırılan vəzifələrin öhdəsindən layiqincə gələcək”, deyə Kadırov vurğulayıb.
Qeyd edək ki, 2023-cü il noyabrın əvvəlində Adam Kadırov Çeçenistan rəhbərinin təhlükəsizlik departamentinin rəhbəri təyin edilib. Bundan əvvəl, sentyabr ayında Ramzan Kadırov oğlunun “Quran”ı yandırdığına görə saxlanılan Nikita Juraveli döyməsinin videosunu yayıb. Oktyabr ayında Adam Kadırov Çeçenistan Qəhrəmanı adına layiq görülüb.
Adam Kadırov 24 noyabr 2007-ci ildə anadan olub. O, Ramzan və Medni Kadırovların ailəsində üçüncü oğul və yeddinci uşaqdır. Gənc uşaqlıqdan döyüş sənəti ilə məşğul olub.
Poliqon.info