Ərdoğan Netanyahunu “zəmanəmizin Hitleri” adlandırıb
Poliqon “Hürriyyət” qəzetinə istinadən xəbər verir ki, Türkiyə prezidenti İsrail hakimiyyəti fələstinlilərə qarşı “görünməmiş qırğınlara” görə cəzalandırılacağını deyib.
“Biz həqiqəti ifşa etməyə və İsrailin törətdiyi qətllər haqqında danışmağa davam edəcəyik. Qoy hamı başa düşsün ki, Netanyahu zəmanəmizin Hitleridir və onun əlaltıları məsuliyyətdən qaça bilməz. Gec-tez ədalət məhkəmədə olmasa da, tarix qarşısında zəfər çalacaq”, deyə Ərdoğan jurnalistlərə bildirib.
Rəcəb Tayyib Ərdoğan İsraili mediaya “hücum”da da ittiham edib. Türkiyə prezidentinin sözlərinə görə, bununla İsrail hakimiyyəti Qəzza zolağında “kütləvi qətllərin” izlərini silmək istəyir.
“Onların nə etməsindən asılı olmayaraq, biz İsrailin törətdiyi cinayətlərlə bağlı bütün sənədləri Beynəlxalq Məhkəməyə təqdim etmişik və bunu davam etdirəcəyik”, deyə Ərdoğan qeyd edib.
Poliqon.info