MAQATE İranın nüvə obyektlərinin təhlükəsizliyini təsdiqləyib

Beynəlxalq Nüvə Enerjisi Agentliyi (MAQATE) İsrailin zərbələri zamanı İranın nüvə obyektlərinin zədələnmədiyini bildirib...

Poliqon xəbər verir ki, Agentliyin Baş direktoru Rafael Qrossi də tərəfləri həddindən artıq təmkinli olmağa çağırıb.

“MAQATE İranın nüvə obyektlərinə heç bir ziyan dəymədiyini təsdiq edə bilər. Agentliyin baş direktoru Rafael Qrossi hər kəsi həddindən artıq təmkinli olmağa çağırmaqda davam edir və bir daha təkrar edir ki, nüvə obyektləri heç vaxt hərbi münaqişələrdə hədəf olmamalıdır”, deyə MAQATE-nin X sosial şəbəkəsində yaydığı bəyanatında deyilir.

Qeyd edək ki, aprelin 19-na keçən gecə İsrail İrana raket zərbəsi endirib. The New York Times qəzetinin məlumatına görə, hədəf İsfahan şəhəri yaxınlığındakı İran hərbi hava bazası olub. İran rəsmiləri hava hücumundan müdafiə sisteminin işə salındığını və heç bir zərər görmədiyini bildiriblər. Bloomberg Agentliyi yazıb ki, İsrail bir gün əvvəl ABŞ-a İran ərazisinə yaxınlaşan zərbə ilə bağlı xəbərdarlıq edib.

Poliqon.info