Peruda prezidentinin evində axtarış aparıldıqdan sonra 6 nazir istefa verib
Poliqon xəbər verir ki, bu barədə Reuters Agentliyi məlumat yayıb.
Aprelin 1-də Perunun daxili işlər naziri Viktor Torres, ardınca isə təhsil naziri və qadın məsələləri üzrə nazir istefa verib. İstefa verənlərin hər üçü xanım Boluarteni dəstəkləyib.
Agentlik xəbər verir ki, nazirlər prezident iqamətgahında aparılan axtarışları “lüzumsuz” və “həddini aşmaq” kimi dəyərləndiriblər.
Qeyd edilir ki, Peru Prezidentinin iqamətgahı Hökumət Sarayının daxilində yerləşir. Torres ailə problemləri və səhhəti ilə əlaqədar vəzifəsini tərk etdiyini vurğulayıb. Digər iki hökumət üzvü istefalarının səbəblərini açıqlamayıb.
Həmin gün Perunun prezidenti daha üç naziri - istehsal, ticarət və kənd təsərrüfatı nazirini vəzifəsindən azad edib. Xanım Boluarte yeni daxili işlər naziri vəzifəsinə əvvəllər mütəşəkkil cinayətkarlıqla mübarizə departamentinə rəhbərlik etmiş Valter Ortizi təyin edib.
Qeyd edək ki, Peru prezidentinin evində və iqamətgahında axtarışlar martın 29 və 30-da aparılıb. Yerli “La Encerrona” qəzeti jurnalistləri prezidentin rəsmi tədbirlərdə müxtəlif “Rolex” saatları ilə görünməsinə diqqət çəkdiyi araşdırmanı dərc etdikdən sonra Baş prokurorluq ilkin araşdırmaya başlayıb. Prokurorluq xanım Boluartedən saatın alınması ilə bağlı halları izah etməyi xahiş etsə də, prezident aparatı müraciətə vaxtında cavab verməyib.
Prezident bütün ittihamları rədd edir.
Poliqon.info