Olaf Şolts: Putinlə sonuncu dəfə 2022-ci ilin dekabrında danışmışam
Poliqon xəbər verir ki, bu barədə Almaniyanın Maerkische Allgemeine Zeitung nəşri yazıb.
Şoltsun sözlərinə görə, bundan əvvəl onlar Putinlə daha tez-tez əlaqə saxlayırdılar. Kansler müharibə başlamazdan bir müddət əvvəl Moskvaya necə gəldiyini xatırladıb.
"Koronavirusdan narahat olduğu üçün onunla oturmalı olduğum o uzun masanı xatırlayırsınızmı? Həmin vaxt söhbətimiz dörd saatdan çox çəkdi", deyə Şolts bildirib.
Şolts deyib ki, bir neçə ölkə təhlükəsizlik müşavirləri səviyyəsində Ukraynada sülhü müzakirə edir:
"Hazırda bir sıra ölkələr, o cümlədən Ukrayna təhlükəsizlik məsələləri üzrə müşavirlər səviyyəsində sülh prosesinə gətirib məsələləri müzakirə edir".
Almaniya kansleri həmçinin Berlin yaxınlığındakı "Tesla" zavodunda elektrik enerjisinin kəsilməsinə səbəb olan yarımstansiyanın yandırılmasını terror aktı adlandırıb: "Mən buna əyalət hökuməti kimi baxıram: bu, terror aktıdır".
Kansler Almaniyada "Tesla" zavodunun genişləndirilməsinin tərəfdarı olduğunu bildirib və vurğulayıb ki, polis və təhlükəsizlik orqanları yanğına görə məsuliyyət daşıyanların müəyyən edilməsi və cəzalandırılması üçün mümkün olan hər şeyi etməlidir.
Qeyd edək ki, martın 5-də ətraf mühit fəalları Berlin yaxınlığındakı yarımstansiyanı yandıraraq, genişləndirilməsinə etiraz etdikləri Qrünheydedəki "Tesla" zavodunun işini iflic edib. Elektrik enerjisinin kəsilməsindən sonra zavod boşaldılıb.
Poliqon.info