Makronun Ukraynaya qoşun göndərməklə bağlı sözləri ABŞ rəsmilərini qəzəbləndirib

Fransa prezidenti Emmanuel Makronun Ukraynaya hərbçilərin göndərilməsi ilə bağlı sözləri Amerika rəsmilərini qəzəbləndirib...

Poliqon xəbər verir ki, bu barədə Bloomberg Agentliyi mənbəyə istinadən yazıb.

"Mübahisə doğuran şərh Almaniya kansleri Olaf Şoltsun ​​sürətli və çox ictimai qınaqına səbəb olub və ABŞ rəsmilərini qəzəbləndirib. Onlar özəl olaraq bu addımın hətta Moskva ilə toqquşmaya səbəb ola biləcəyini söyləyirlər", deyə agentlik adı açıqlanmayan rəsmiyə istinadən qeyd edib.

Makron fevral ayında bildirmişdi ki, Avropanın NATO ölkələri Ukraynaya qoşun yeridə bilər. Onun sözlərinə görə, Qərb ölkələrinin liderləri Ukraynaya qoşun yeritmək imkanını müzakirə ediblər, hələlik konsensus əldə olunmayıb, lakin heç nəyi istisna etmək olmaz.

Makronun sözləri Almaniya da daxil olmaqla bir sıra NATO tərəfdaşları, eləcə də Fransanın özündəki siyasi qüvvələr tərəfindən kəskin tənqid edilib.

Bundan sonra Rusiya lideri Vladimir Putin bunun "qırmızı xətti" keçmək olacağını bildirib və nüvə hücumu ilə hədələyib. Rusiya Xarici İşlər Nazirliyinin rəhbəri Sergey Lavrov isə deyib ki, Makron ABŞ-ı razı salmaq və NATO müttəfiqlərini təxribata çəkmək üçün Ukraynaya mümkün qoşun göndərilməsindən danışır.

Poliqon.info