İsrail ABŞ-a Qəzzadakı liman körpüsünün təhlükəsizliyini təmin etməyi vəd edib
Poliqon xəbər verir ki, bu barədə Politico qəzeti mənbələrə istinadən məlumat yayıb. Nəşr xəbər verir ki, Pentaqon estakadanın tikintisinin 60 günə qədər çəkəcəyini və 2 milyondan çox yemək parının bu körpü vasitəsi ilə çatdırlacağına əmindir.
Nəşrin mənbələrindən birinin sözlərinə görə, güman ki, İsrail Müdafiə Qüvvələri (IDF) estakadanı tikən amerikalı personalı, eləcə də yardımın boşaldılması və paylanmasında iştirak edənləri qorumaq üçün “təhlükəsizlik koridoru” yaradacaq. IDF həm də estakadanın fiziki təhlükəsizliyinə cavabdeh olacaq. Müzakirə olunan fəaliyyət planının hələ yekunlaşdırılmadığı da dəqiqləşdirilir.
Politico-ya görə, körpünün təhlükəsizliyini təmin etmək üçün başqa ölkə də cəlb oluna bilər, lakin bu, Qəzza zolağında körpünün dəqiq harada tikiləcəyindən asılı olacaq. ABŞ-ın dənizdə 3-5 mil (4-8 km) məsafədə üzən estakada və çimərliyə lövbər salacaq 1800 fut (təxminən 549 m) uzunluğunda üzən dəniz çəpəri tikəcəyi gözlənilir. İnfrastruktur hazır olduqdan sonra gəmilər humanitar yardımı körpüyə boşalta biləcək və oradan kiçik Amerika qayıqları onu bəndə çatdıracaq. Oradan isə yük maşını ilə Qəzza zolağına daşınacaq.
İsrail ordusunun sözçüsü İDF0in “layihəni asanlaşdırmaq üçün ABŞ ordusu ilə koordinasiya edəcəyini” söyləyib, lakin təfərrüatları açıqlamaqdan imtina edib.
Poliqon.info