İsrail ordusu “Əl-Şifa” xəstəxanası yaxınlığında əməliyyata başlayıb
Poliqon xəbər verir ki, İsrail Müdafiə Qüvvələri (IDF) Fələstinin HƏMAS radikal qruplaşmasının yüksək rütbəli üzvlərinin olması ilə bağlı əldə edilən kəşfiyyat məlumatlarına əsasən Qəzza zolağında yerləşən “Əl-Şifa” xəstəxanası yaxınlığındakı ərazini təmizləmək üçün növbəti əməliyyatına başlayıb. Bu barədə İsrail ordusunun mətbuat xidmətinin bəyanatında deyilir.
“İDF və İsrail Hərbi Kəşfiyyatının İnformasiya Təhlükəsizliyi Xidməti “Əl-Şifa” xəstəxanasında terrorçuların fəaliyyətinin qarşısını almaq üçün əməliyyatlar aparır. Əməliyyat zamanı terrorçular xəstəxananın içindən hərbçilərə atəş açıb. Ordu atəşə atəşlə cavab verib. Hərbiçilərimiz xəstəxananın ərazisində əməliyyatlarını davam etdirir”, deyə məlumatda bildirilir.
Qeyd edək ki, bundan əvvəl İsrailin Baş naziri Benyamin Netanyahu Qəzza zolağının Rəfah şəhərində hərbi əməliyyat keçirmək planını təsdiqləyib. İsrailin Baş naziri geri çəkilmək fikrində olmadığını və Rəfahda quru əməliyyatı keçirməyi planlaşdırdığını bildirib. Netanyahu əlavə edib ki, HƏMAS İsrailliləri girov saxladığı üçün Ramazan ayında atəşkəs olmayacaq.
Poliqon.info