BMT rəsmisi: Qəzzada rekord sayda uşaq öldürülüb...
Dörd ayda Qəzza zolağında öldürülən uşaqların sayı son dörd ildə dünya üzrə münaqişələrdə öldürülən azyaşlıların sayından çox olub.
Poliqon xəbər verir ki, bu barədə BMT-nin Fələstinli Qaçqınlara Yardım və İşlər üzrə Agentliyinin (UNRWA) baş komissarı Filip Lazzarini bildirib.
“Qəzza zolağında dörd aydan bir qədər çox müddət ərzində öldürülən uşaqların sayı, dünyada dörd il davam edən müharibələrdə ölən uşaqların ümumi sayından çoxdur”, deyə Lazzarini X sosial şəbəkəsində dərc olunan bəyanatında bildirib. Lazzarini Qəzza zolağında azyaşlılar naminə hərbi əməliyyatların dayandırılması çağırışını təkrarlayıb.
Fələstin anklavından alınan son məlumatlara görə, İsrailin Qəzza zolağında hərbi əməliyyatları başlayandan bəri həlak olan fələstinlilərin sayı 31,2 min nəfərə yaxınlaşır.Ümumdünya Səhiyyə Təşkilatının məlumatına görə, onların böyük əksəriyyəti qadın və uşaqlardır.
Poliqon.info