KTMT Ermənistan hakimiyyətinin siyasi ayıqlığına ümid edir
Poliqon xəbər verir ki, bunu TASS Agentliyinə müsahibəsində KTMT-nin Baş katibi İmanqali Tasmaqambetov deyib. Baş katib vurğulayıb ki, İrəvan müttəfiq olaraq qalır.
“Gizlətməyəcəyəm ki, erməni elitasının bəziləri arasında müəyyən hadisələr və hisslər narahatlıq doğurur. Amma biz Ermənistanın siyasi rəhbərliyinin siyasi ayıqlığına və təşkilatla bağlı müxtəlif ssenarilərin həyata keçirilməsi perspektivlərinin balanslaşdırılmış qiymətləndirilməsinə ümid edirik. İcazə verin, vurğulayım ki, Ermənistan bizim müttəfiqimiz olaraq qalır, bütün mövcud öhdəliklər qüvvədə qalır”, deyə Baş katib KTMT-nin İrəvandan təşkilatda iştirakının dayandırılması ilə bağlı rəsmi müraciətin olub olmaması ilə bağlı sualı cavablandırıb.
“Həm mən, həm də katiblik təşkilatın qəbul etdiyi qaydalara və prosedurlara uyğun işləyirik. Biz təbii ki, analitiklərimizin və onların əllərində olan alətlərin köməyi ilə Ermənistan ətrafındakı vəziyyəti və Ermənistanın təşkilatla münasibətlərini təhlil edirik”, deyə Tasmaqambetov əlavə edib.
Qeyd edək ki, bundan əvvəl Ermənistanın Baş naziri Nikol Paşinyan “France 24” telekanalına müsahibəsində İrəvanın KTMT-də iştirakını dondurduğunu bildirib. Pa.inyan Minskdə keçirilən KTMT sammitində də iştirak etməyib.
Poliqon.info