Haitinin Baş naziri paytaxtın bir hissəsinin quldurların ələ keçməsi səbəbindən istefa verib
Poliqon The Associated Press Agentliyinə xəbər verir ki, bu barədə Qayana prezidenti İrfaan Əli Yamaykada Karib İcması (CARICOM) ölkələrinin nümayəndələri arasında danışıqların yekunu üzrə mətbuat konfransında məlumat verib.
İrfaan Əlinin verdiyi məlumata görə, Ariel Henri “keçid prezident şurası yaradıldıqdan və müvəqqəti Baş nazir təyin edildikdən sonra” istefa verəcək. Henrinin müşaviri Jan Junior Jozef CNN ilə söhbətində Baş nazirin istefasını təsdiqləyib. Müşavir vurğulayıb ki, səlahiyyət müddəti başa çatan Baş nazir müvəqqəti hökumət qurulana qədər vəzifəsində qalacaq.
Qeyd edək ki, Baş nazir Ariel Henri geniş yayılmış quldur dəstələrinin ölkədə hava limanlarını ələ keçirməsindən sonra Keniya səfərindən Haitiyə qayıda bilməyib. ABŞ Dövlət Departamentinin məlumatına görə, Haitinin Baş naziri Puerto Rikoda (ABŞ) səfərdədir. Bir ABŞ rəsmisinin France Press Agentliyinə deyib ki, Ariel Henri “böhranı yumşaltmaq üçün” ölkədə qala bilər.
25 ölkəsin regional bloku olan CARICOM martın 12-də Yamaykanın paytaxtı Kinqstonda Haiti ilə bağlı toplantı keçirib. Danışıqlar ərəfəsində ölkənin ən quldur güclü dəstəsinin lideri sayılan Cimmi Çerizier jurnalistlərə bildirib ki, beynəlxalq ictimaiyyət indiki yolu ilə davam edərsə, bu, Haitini daha çox xaosa sürükləyəcək.
Poliqon.info