Airbus-un rəhbəri: Avropa Trampın prezidentliyi kimi mühüm sarsıntılara hazır deyil
Poliqon xəbər verir ki, "Airbus"un rəhbəri bu barədə Guardian qəzetinə danışıb.
"Mən düşünmürəm ki, Avropa hələ Rusiya ilə münaqişəyə lazım olan səviyyədə hazırlığa malikdir. Belə görünür ki, Rusiya müdafiə qabiliyyətini artırır və bu, problemdir", deyə Guillaume Fauri bildirib.
Onun sözlərinə görə, Avropa ABŞ-ın keçmiş prezidenti Donadl Trampın niyyətlərini ciddi qəbul etməlidir və buna hazırlaşmalıdır.
Onun sözlərinə görə, Avropa dövlətləri öz təhlükəsizlikləri və hərbi avadanlıqları üçün ABŞ-a həddən artıq güvənib, müdafiənin əsas sahələrində "subkritik" olub. O, Avropa və Böyük Britaniyanı səyləri və döyüş təyyarələri proqramlarını birləşdirməyə çağırıb.
Şirkəti "Eurofighter Typhoons"dan tutmuş helikopterlərə qədər hərbi texnika istehsal edən və dünyadakı kommersiya təyyarələrinin yarısını hazırlayan Faurinin bu açıqlaması Vladimir Putinin artan təhdidləri fonunda baş verir. Rusiya prezidenti bu yaxınlarda NATO ölkələrinə deyib ki, onlar Ukraynada döyüşmək üçün qoşun göndərsələr, nüvə müharibəsi riski ilə üzləşəcəklər.
2019-cu ildə "Airbus"un baş icraçı direktoru olan keçmiş hərbi vertolyot sınaq pilotu Fauri deyib ki, Trampın NATO-dan çıxmaqla bağlı xəbərdarlıqları həm təhlükəsizlik, həm də avadanlıqların mövcudluğu ilə bağlı Avropaya xəbərdarlıq olmalıdır. ABŞ-ın keçmiş prezidenti, hazırda Respublikaçılar Partiyasından prezidentliyə namizəd dəfələrlə Avropanı müdafiəyə daha çox xərcləməyə çağırıb və bu yaxınlarda Rusiyanı NATO üzvlərinə hücum etməyə təşviq edəcəyini bildirib.
Poliqon.info